Хөрөнгө орлогын мэдүүлэг 90 хувьтай байна

Хувийн ашиг сонирхлын мэдүүлэг болон хөрөнгө орлогын мэдүүлэг гаргах зарим албан тушаалтнууд жил бүрийн 02 дугаар сарын 15-ны өдрөөс өмнө Хөрөнгө орлогын мэдүүлгээ зохих шатны албан тушаалтанд гаргах ёстой юм. Өнөөдрийн байдлаар хөрөнгө орлогын мэдүүлэг гаргах шаардлагатай нийслэлийн дүүргүүд нутгийн захиргааны байгууллагын 1390 орчим албан тушаалтнаас 90 хувь нь хөрөнгө орлогын мэдүүлгээ гаргасан байна.

УИХ-ын Хууль зүйн байнгын хорооны тогтоолоор хөрөнгө орлогын мэдүүлэг гаргах албан тушаалтнуудын жагсаалтад өөрчлөлт орж, улс төрийн тушаалтны бүрэн эрхийн хугацаанд зөвхөн өөрт нь үйлчлэх туслах, бие төлөөлөгч, хэвлэлийн ажилтан төрийн захиргааны албанд хамаарах албан тушаалтан зэрэг нь хөрөнгө орлогын мэдүүлэг гаргахгүй болсон. Үүний дагуу өмнө нь нийслэлийн дүүргүүд, нутгийн захиргааны байгууллагын 1400 гаруй албан тушаалтан хөрөнгө орлогын мэдүүлэг гаргахгүй болж, хасагдсан юм. Хуулийн хугацаа 2015 оны 02 дугаар сарын 15-ны өдөр дуусах бөгөөд хөрөнгө орлогын мэдүүлгээ хуулийн хугацаанд гаргаагүй бол хүндэтгэн үзэх шалтгаангүй тохиолдолд ажлаас огцруулах арга хэмжээ авах аж. 

Д.Солонго