Хувийн амьдралдаа “restart” хийсэн жүжигчин Ч.Ундрал академи нээжээ

Жүжигчин, нэвтрүүлэгч, шоу менежер, дуучин гэх олон гуншинтай Ч.Ундрал багагүй хугацаанд АНУ-д суралцаж байгаад ирсэн билээ. Хувийн амьдралдаа гарсан олон асуудлыг шийдвэрлэж, өөрийнхөө дотоод ертөнцийг мэдрэхийн тулд ийнхүү эрх чөлөөний орныг зорьсон гэдэг ч тэрбээр УДЭТ-ын маркетингийн албаны даргаар ажиллахаа болиод хэл сураггүй алга болсон бүсгүй. Харийн оронд сурч боловсрон, аялж зугаалаад ирсэн түүний сэтгэл санаа ч тогтвортой болсон тул UBS телевизийн хөтлөгчөөр дахин ажиллаж буй.

Тэгвэл жүжигчин бүсгүй саяхан өөрийн “U art academy” –ийг нээсэн бөгөөд  нэвтрүүлэгч, хөтлөгчийн уран чадвар, тайзны яриа, балет, камертай харьцах гэсэн олон төрлөөр сургалт явуулахаас гадна суралцагч охид залуусын түвшин ахихын хэрээр нэмэлт хичээл заахаар төлөвлөжээ. Тэрбээр өмнө нь "Hero" энтертаймент студийн дэргэдэх хөтлөгчийн курсийг ажилуулахын сацуу мөн ийм нэртэй ресторанийг удирдаж байсан ч энэ бүхнээ өөрийн нөхөр болох найруулагч Б.Баатарт үлдээгээд явжээ. Тиймээс өдгөө ресторан, хөтлөгчийн курс нь хаагдаж, найруулагч нөхөр нь “Монгол тулгатны 100 эрхэм” нэвтрүүлгээс өөрийг анхаарахаа болиод байгаа гэдэг.