15 нас хүрсэн “Madness” хамтлагийнхан цомгийн баяраа хамтатгахаар болов

“Madness” хамтлагийнхан шинэ өнгө, шинэ дуугаралт, шинэ хэмнэлээр фенүүдээ “цэнэглэхээр” энэ сарын 22-нд Соёлын төвийн ард байрлах “ILoft Function House”-д тоглолтоо хийхээр болжээ. Энэхүү тоглолт нь тэдний бие даасан гурав дахь “Colors of Us” цомгийн өдөрлөг болон хамтлагийн 15 жилийн ойн баярын тоглолт юм байна.

Тэд шинэ цомгийн баяртаа “Харанга” хамтлагийн дуучин Х.Лхагвасүрэн, реппер Gee, “Zeppethon” хамтлагийг урьсан бөгөөд тоглолтод оролцсон уран бүтээлчид өөрсдийн дууг  хүргэхээс гадна “Madness” хамтлагтай хамтарч хит дуунуудыг нь дуулах гэнэ. “Colors of Us” цомгийн баярын тасалбарын үнэ 20 мянган төгрөг бөгөөд үзэгч сонсогчдтойгоо цуг нэгэн үдэш “бут авах” гэсэн авьяаслаг залуусын сонирхолтой хөтөлбөрөөр дүүрэн байгаа гэнэ лээ.