Сонгуулийн ерөнхий хороо энэ удаагийн сонгуулийн үйл ажиллагааг зохион байгуулахдаа хөгжлийн бэрхшээлтэй иргэдийг саналаа өгөх эрх үүргээр нь бүрэн хангаж ажиллахаар бэлтгэлээ хангаж байна.
Сонгуулийн санал авах байрыг тэргэнцэртэй сонгогч орох боломжоор хангаж, тэдэнд зориулж тусгайлан тоноглосон санал бэлтгэх бүхээг, мөн харааны бэрхшээлтэй сонгогч саналаа өгөхөд зориулан саналын хуудсыг унших, саналаа тэмдэглэх тусгай зориулалтын брайль үсэг бүхий хавтас, томруулдаг шил байрлуулж байгаа билээ.
Үүнтэй холбогдуулан маргааш 11:00 цагаас Сонгуулийн ерөнхий хороо Хөгжлийн бэрхшээлтэй иргэдийн холбоотой хамтран хэвлэлийн хурал хийхээр болжээ. Уг хуралаар илүү дэлгэрэнгүй мэдээлэл өгөх юм байна.
Сэтгэгдэл ( 0 )