Дуучин С.Ганзориг охиноо “Монгол бүсгүй” дууны клипэнд сэм тоглуулжээ

“Макс” группийн босс Д.Ганбаатарыг мисс эхнэр Д.Уянгалянхуатай нь хамт “Монгол бүсгүй” дууныхаа клипэнд тоглуулж, шанд нь 200 сая төгрөг хүртсэн гэх гавьяат жүжигчин С.Ганзориг тун ч одтой яваа гэлцдэг. Шаггүй өндөр үнээр бүтсэн энэхүү дууных нь клипийг олон хүн сонирхож байгаа бөгөөд дуучин С.Ганзоригоос илүүтэй бизнесмэн эр, мисс бүсгүйг сонжих гэсэн нь илт байлаа. Тэгвэл дуучин С.Ганзориг ч олны анхаарлыг татсан “Монгол бүсгүй” дууныхаа клипэнд төрсөн охиноо тоглуулж, хэрэндээ л “од” болгоод авсныг мэдэх хүн цөөн биз. Түүний охин Нямаа ташуу энгэртэй дээлээр гоёж, хоёр бүсгүйн хамтаар их л уран бүжих бөгөөд сүүн цацал өргөн тэрхүү клипэнд тун ч содон үлдсэн байх юм.

Гавьяат жүжигчин С.Ганзориг “Монгол бүсгүй” дууны клипний зураг авалтын үеэр охинтойгоо хамт авахуулсан зургаа сая дэлгэсэн бөгөөд царай төрх нь хүртэл адилхан аав охин хоёрын адтай сэргэлэнг гайхсан хүмүүс ч олон байгаа юм. Тэгэхээр өндөр үнээр бүтсэн “Монгол бүсгүй” дууны клипийг “Макс” Д.Ганбаатар мисс эхнэртээ зориулсан бол, дуучин С.Ганзориг ч бас мисс охиндоо “сэмхэн” зориулаад амжжээ.