Москва талибуудыг яриа хэлэлцээ хийхийг урьжээ

ОХУ энэ сарын 20-нд Москва хотноо болох Афганистаны асуудлаарх уулзалтад “Талибан” хөдөлгөөний төлөөлөгчдийн урьсан тухай ОХУ-ын Гадаад хэргийн яамны Азийн газрын захирал Замир Кабулов мэдэгджээ.

Ингэхдээ талибуудын төлөөлөгчдийг хэн тэргүүлэх талаар дэлгэрэнгүй мэдээлэл өгөөгүй байна.

Афганистаны асуудлаарх Москвагийн уулзалтыг 2017 онд ОХУ, Афганистан, БНХАУ, Пакистан, Иран, Энэтхэгийн тусгай төлөөлөгчдийн зургаан талт зөвлөлдөх механизмын үндсэн дээр байгуулсан юм.