Тамерлан Башаев: Хэзээ ч холимог тулаанд шилжихгүй

Токиогийн олимпын жүдо бөхийн хүнд жинд Францын алдарт Тедди Ринериг ялж, шуугиан тарьсан Тамерлан Башаев ОХУ-д ихээхэн алдаршаад байна.

Холимог тулааны хэд хэдэн холбооноос түүнд санал тавиад эхэлжээ.
 

Энэ талаар түүнээс сэтгүүлчид асуухад Башаев “Үнэнийг хэлэхэд би холимог тулаан огт сонирхдоггүй. Надад таалагддаггүй. Спортын хувьд жирийн спорт ч эргэн тойрны уур амьсгал нь таалагддаггүй гэж хэлж болно. Яагаад гэвэл тэнд жүдо бөхийн зарчмаас тэс өөр зарчим үйлчилдэг. Манай жүдо бөх бол хүндлэл, нөхөрлөл. Харин холимог тулаанд ёс суртахууны ямар ч ойлголт байдаггүй” гэж хариулжээ.