ТОЙМЧИЙН ӨНЦӨГ: Тахлын үеийн Сэтгүүл зүй ба Аса станц

2021 оны 06 сарын 21

Сэтгүүлчийн ажлыг хэн дуртай нь хийдэг болжээ хэмээн халагласан сэтгэгдэл нийгмийн сүлжээнд харагдсаар удлаа. Нээрэн ч тийм юм уу гэж санагдтал “Аса станц” гэсэн бичиг бүхий зурагтай постын дор сэтгэгдлүүд тасралтгүй урсаж харагдана. Гэхдээ тэр нь яг сэтгэгдэл ч биш, харин Аса аваргын ээлжит ярилцлагын асуултуудыг иргэд өөрсдөө бэлтгэж өгч буй үйл явц юм.   

“Би маргааш тийм хүнтэй ярилцлага хийнэ, юу асуух вэ?” гэж постлоод л асуултуудаа бэлтгүүлж аваад түүнийгээ харж байгаад ярилцлага хийчихдэг юм бол энэ олон хэвлэл мэдээллийн хэрэгсэл мэдээлэл бэлтгэн хүргэж, энд олон мэргэжлийн хүмүүс цалин авч ажиллах хэрэг байна уу гэх тэрслүү бодол хэнд ч төрнө биз дээ? Сэтгүүлчийн ажил үнэхээр тийм амархан юм уу? Аса гэгч нөхөр телевизийн камерын өмнө сууж, иргэдийн бичсэн асуултуудыг цаасан дээр хэвлэж өмнөө барьчихаад сэтгүүл зүйг ганц биеэрээ төлөөлөн, хэвлэлийн мэдээ мэдээллийг түгээж суух хэмжээнд хүртлээ хэвлэл мэдээллийн салбар доройтчихсон хэрэг үү?

Сэтгүүлчдэд хүртэл асуултын тоог хязгаарлаж, тодорхой цагуудад ямар хэвлэл мэдээллийн хэрэгслийг хэвлэлийн хуралд оруулахыг жагсаалтаар баталж, тусгайлан зохицуулсаар ирсэн тэр систем Аса-гийн өмнө гэнэт хүчин мөхөстөж, хамаг мэдээллээ ганцхан түүнд харамгүйгээр өгч, уулзъя гэсэн бүхэнтэй нь уулзуулж, Эрүүл мэндийн яамны 11 цагийн мэдээллийнхээ хойморт залчихаад, албан ёсны цор ганц эрх бүхий хэвлэлтэй харьцаж байгаа мэт хандаж байгаагийн цаана ямар сценари явагдаж байгаа бол хэмээн хардахаас өөр аргагүй нөхцөл байдал үүсээд байна.

Цар тахлын үеийн мэдээлэл, олон нийтийн харилцаанд сэтгүүлчид бид хүлээцтэй, басхүү учир байдлыг ойлгон хандаж, зөвхөн албан эх сурвалжийн мэдээллийг тэнцвэртэй хүргэж ирсэн. Сэтгүүлчдийн үүрэг, оролцоог цар тахлын үеийн мэдээлэл харилцаанд ийм л хэм хэмжээнд байлгахыг шаарддаг нь олон улсын нийтлэг жишиг юм. Ийм цаг үед албаны хүний амнаас хэвлэлийнхэнд болон олон нийтэд хандаж хэлсэн үг болгон нь нийгмийн сэтгэл зүйд шууд нөлөөлөхүйц мессеж болон хүрдэг гэдгийг Засгийн газар, Улсын Онцгой комиссынхон болон тэдний хэвлэлийн төлөөлөгч нар мэдэхийн дээдээр мэдэж байгаа. Тийм ч учраас хэвлэлийнхний мэдээлэл авах боломжид тодорхой хязгаарлалт тавьж, зөвхөн албан мэдээлэл түгээхийг анхнаасаа шаардаж ирсэн билээ.  

Гэтэл яагаад гэнэт Аса станц гэгч бий болж, хамаг мэдээллийн эх сурвалжийг ганц энэ рүү чиглүүлэх болов оо? Сэтгүүлчид нь олон нийтэд баталгаатай мэдээлэл түгээж чадахгүй болоод тэр үү, эсвэл албаны хүмүүс нь олон нийтэд ойлгомжтойгоор нөхцөл байдлыг тайлбарлаж өгч чадахгүй байна уу? Ийм хоёр асуулт гарцаагүй урган гарч ирнэ биз дээ.  

Сэтгүүлчид, хэвлэл мэдээллийн хэрэгслүүд олон нийтэд мэдээлэл түгээх ажлаа хариуцлагатайгаар хийж, аль болох олон эх сурвалжийн мэдээлэл хүргэхэд анхаарч ажиллаж байгаа гэж харагддаг. Гэтэл албан эх сурвалжийн хувьд, өмнөх засгийн газар нь огцорч ЭМЯ төдийгүй бусад холбогдох байгууллага, албадын бүрэлдэхүүн солигдсон хэдий ч тэд ажлаа хийж, хэвлэлийнхэнд болон олон нийтэд мэдээлэл өгч, нөхцөл байдлын талаар тайлбарласаар л байгаа тэр үйл явц огт тасалдаагүй.

Тэгвэл юу болов? Ийм хөл толгой нь мэдэгдэхгүй нөхцөл байдал үүсэхэд чухам юу нөлөөлөв гэдэгт анхаарлаа хандуулах гээд үзье.

Нийгмийн сүлжээний талбарт, ялангуяа фэйсбүүкт нэг үзэгдэл ажиглагддаг нь, пост хийсэн хүн бүхэн өөрийгөө мэдээлэл түгээгч болохоо мэдэрдэг тэрхүү мэдрэмж бөгөөд чухам энэ нь дээрх төөрөгдлийн нэг шалтгаан болж байна. Фэйсбүүк нь үнэн хэрэгтээ, тухайн хүний үзэл бодлоо илэрхийлэх хувийн орон зай төдий зүйл. Харин албаны байр суурийг илэрхийлэхийг хүсвэл тусгай хуудас нээж түүгээр дамжуулан мэдээллээ хүргэх боломж үргэлж нээлттэй байсаар ирсэн.

Гэтэл хувь хувьсгалаа ялгахгүй хольж бичих, хэвлэл мэдээллийн хэрэгслийн нэрийн өмнөөс пост хийх, хэвлэл мэдээллийн хэрэгслийн албан ёсны байр суурийг илэрхийлж байгаа мэт үг хэллэгээр бичих явдал улам бүр газар авч аль нь хэвлэл мэдээллийн хэрэгслийн байр суурь, аль нь хувийн үзэл бодол гэдэг нь ялгагдахаа больсноор өнөөгийн эмгэнэлт үзэгдлийн эхлэл тавигдсан билээ. Нэгэнт ийм замбараагүй байдалд автсан орон зайд тодорхой зорилго бүхий этгээд хувийн тоглолт хийх, тэр тусмаа хэвлэл мэдээллийн хэрэгсэл мэт ойлгогдон олны анхаарлыг татах, тэр ч байтугай хүлээн зөвшөөрөгдөх боломжтой байгаа нь хачирхалтай хэдий ч бодит байдал болоод байна.  

Хэдийгээр хэвлэл мэдээллийн хэрэгслүүд цахим орон зайд, тэр тусмаа нийгмийн сүлжээгээр дамжуулан уншигч, сонсогч, үзэгчдэдээ мэдээлэл сурвалжилгаа хүргэх нь давамгай болсон ч, тэрхүү мэдээллийг хэн дуртай нь биш, гагцхүү сэтгүүлч, сурвалжлагч, нийтлэлч, редактор, зураглаач, найруулагч, хөтлөгч гэхчлэн мэргэжлийн хүмүүс бэлтгэдэг гэдгийг эрхбиш санууштай. Тэд олон нийтэд хүргэх мэдээ, мэдээллээ бэлтгэхийн тулд фэйсбүүкт пост хийж, иргэдийн өгсөн шипи-гээр ажлаа хийдэг хүмүүс огт биш. Тэд бол нийгмийн сайн сайхны төлөө гэсэн сэтгэл зүтгэлээр, хэвлэл мэдээллийн хэрэгслийнхээ нийтлэлийн бодлогод уялдуулан, оюун сэтгэлгээ, хүч хөдөлмөрөө дайчлан байж олон нийтэд хүргэх мэдээ, мэдээлэл, нийтлэл, нэвтрүүлгээ бэлтгэдэг хүмүүс юм. Гэтэл энэ бүхнийг үнэгүйдүүлж, ганц хүний дур зоргоороо үйлдэлд орон зай гаргаж өгч буйн цаад шалтгаан нь юу вэ?

Фэйсбүүкт тавигдсан мэдээлэл бүхэнд сохроор итгэдэг хүмүүсийг үй олноор нь бий болгох бодлого уу, аль эсвэл Аса-г пост хийнгүүт нь даган хуйлардаг массын сэтгэл зүйг бүрдүүлэх явдал уу? Ямар ч байсан, Аса-гийн мэдээлэл бүхнээс чухал хэмээн итгүүлэхэд чиглүүлэн залуурдаж буй хандлага ажиглагдаад эхэлснийг та ч бас анзаарсан байх...   

Тийм ээ, олон хүн фэйсбүүкийн постоо алдаатай бичдэг, бас нийгмийн сүлжээнд биеэ хэрхэн авч явахаа мэдэхгүй байх тохиолдол бий. Тэглээ гээд энэ нь таныг хэн нэгний тоглоомын “бай”, дээр нь юу ч бичиж болдог “цагаан цаас” болгоно гэсэн үг биш юм.

Дэлхий нийтийг хамраад буй цар тахлыг далимдуулан эмх замбараагүй байдалд турхирах, нийгмийн сэтгэлгээнд нөлөөлөх замаар хэмжээлшгүй эрх мэдэлд хүрэхийг санаархах явдал гарч болзошгүйг олон улсын түвшинд анхааруулсаар ирсэн. Энэ бүхнээс зайлсхийх арга зам нь, иргэн бүр албан ёсны мэдээлэлд илүү их ач холбогдол өгч тухайн мэдээллийг хаанаас түгээж буйг заавал анзаарч байх, хуурамч мэдээлэл биш биз хэмээн эргэлзэх орон зайг өөртөө үлдээх, хардах эрхээ эдлэх явдал билээ.  

Сэтгэгдэл ( 18 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
zochin(202.9.46.226) 2021 оны 06 сарын 22

hohi chini setguulchdee buh hund diilegdej baidag uursduu medeellee zuv beltgehgui bol shunalt asad darluulaad l yawna da\n

0  |  0
Зочин(66.181.191.36) 2021 оны 06 сарын 22

Бас нэг түвшинбаяр болох би дээ тэгээд ч наад хүнийг чинь үзэл суртал ард түмний тархи уугаах хэрэгсэл болгох хүсэлтэй эзэд олон байна

0  |  0
Зочин(122.201.24.210) 2021 оны 06 сарын 22

Зиндаа таалагдахгүй сэтгэгдэлийг устгадаг юм байна. Дахин товчхон хэлэхэд Асагаас жинхэнэ эх орон,ард түмнээ гэсэн сэтгэл, сэтгэхүйн цар хүрээ харагдаж байна лээ, Сэтгүүлчдэд тийм юм харагдахаа больсон шүү!!!

0  |  0
Зочин(122.201.24.210) 2021 оны 06 сарын 22

Боловсролгүйгээрээ дуудуулаад байгаа энэ хүнээс харин ч ард түмнээ гэсэн чин сэтгэл, зэрэгцээд сууж байгаа сэтгүүлчдээс илүү олон талын мэдлэг, соёл харагдаад байгаа шүү, Гэтэл зэрэгцэж асуулт тавьж байгаа сэтгүүлчид зочиндоо урьдчилан бэлдсэн асуултаа зандчиж тулгасан, нөхцөл байдалтай уялдуулж өөрчилж чадахгүй Аса-с дор чадьар харагдаад байна лээ!!!

0  |  0
Эрдэнэ(192.82.73.73) 2021 оны 06 сарын 22

шуналын тулам хэдээр хөлслөгдөөд ийм юм хийгээд байгаа юм өөрийгөө шударга гэдэг улаан балын новш хүртэл засгын мөнгөнд унасан

0  |  0
DR PRADHAN(197.210.64.65) 2021 оны 06 сарын 22

БҮГДЭЭРЭЭ САЙН УУ!!!!!\nБид олон нийтэд мэдээлэхийг хүсч байна;\nТа бөөрийг худалдахыг хүсч байна уу? Та санхүүгийн хямралын улмаас бөөрийг \nзарж борлуулах боломжийг эрэлхийлж байна уу, юу хийхээ мэдэхгүй байна уу? \nДараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM \nхаягаар бид танд бөөрнийх нь хэмжээгээр санал болгох болно. Яагаад гэвэл \nманай эмнэлэгт бөөрний дутагдалд орж, 91424323800802.\nимэйл: DR.PRADHAN.UROLOGIST.LT.COL@GMAIL.COM\nYнэ: $780, 000 (Долоон зуун, Наян мянган доллар) \n

0  |  0
С.Уянгаа(202.9.46.8) 2021 оны 06 сарын 22

Аса чинь боловсролгүй, хоосон толгой ш дэээ. Ядуу байж байгаад баяжсан болохоор сэтгэл нь ханаж цаддаггүй .угаасаа л гуйлгачин угтай

1  |  0
иргэн Д(66.181.181.178) 2021 оны 06 сарын 22

Аса станц гээд бүр дүрдээ итгэчихсэн байна лээ хөөрхий. Өөрийгөө их л мундаг сэтгүүлч болчлоо гэж бодоод байх шиг байна, хя хя

1  |  0
Иргэн(192.82.69.27) 2021 оны 06 сарын 22

Ёстой атаархал. Сэтгүүлч нар иргэдийн үзэл бодлыг судалдаггүй. Заавал нэг сэдэв сонгож аваад тэрэндээ тохирсон хариулт авах чиглүүлёэн асуултыг хэдхэн хүнд тавьж таалагдсан хариултаа нийт ард түмний үзэл бодол юм шиг сүр дуулиан болгож бичдэг, ихэнх нь заавал хэн нэгнийг муутгаж буруутгах гэсэн зорилготой... Аса аварга болж байна. Атаархуу юмнуудаас илүү гарсан нэвтрүүлэг хийгээрэй. Тэгвэл ирээдүйдээ сэтгүүл зүй хөгжихөд нэмэр болж магадгүй. Харин аварга нэвтрүүлгээ интертайменттай болгохгүй бол “зурагтаа гэдэг чинь нүдээ аниад сонсохоор ягл радио гэсэн үг юм”гэдэг жишээгээр яваад байсан шүү.

2  |  1
Зочин (202.9.41.48) 2021 оны 06 сарын 22

Атаархал! Өөрсдөө чадахгүй байж чадахж байгаадаа атаархах хэрэггүй дээ. Ганц Аса биш ээ маш олон хүн та нарын хүрч чадахгүй бас олж харахгүй байгаа орон зайг эзлээд олны талархлыг хүлээгээд явж байна.

1  |  1
Zochin(66.181.161.95) 2021 оны 06 сарын 21

Setguulchid ajilaa oligtoi hiihgui Bolohoor hen durtai ni tanai A\nSalbar luu orj bhgui yu uursduu ehleed tegsh medeeleleer irgedee hanga mungu huhhgui

0  |  0
zochin(192.82.65.197) 2021 оны 06 сарын 22

яагаад болохгүй гэж харин ч хүмүүс мэдэх гэсэн зүйлээ шууд мэдэж авч байгаа нь давуу тал дургүй нь үзэхээ больчих таны л сонголт

1  |  0
Аса-г сонгуульд!(192.82.72.175) 2021 оны 06 сарын 22

Аса-г сонгуульд сойх оролдлого л гэж харагдаад байгаа юм даа. Гэхдээ бид одоо бөхчүүд бөхөөрөө, улс төрчид нь улс төрчдөөрөө байхын наадах цаадахыг мэдэхтэйгээ болсон учраас Аса-гийн энэ арга нь нэг их газар авахгүй л болов уу гэж бодогдох. Гэхдээ хэн мэдлээ дээ бас...

2  |  0
Хах(202.21.108.249) 2021 оны 06 сарын 22

Сэтгүүлчдээс1000 дахин илүү байгаа шүү марзан сэтгүүлчдэн

1  |  0
Иргэн(64.119.26.88) 2021 оны 06 сарын 21

Сүүлийн үед сэтгүүлчид зөвхөн удирдлагадаа хянуулсан бодит бус мэдээлэл хийж байгаа .

0  |  0
Монгол(66.181.184.26) 2021 оны 06 сарын 21

Ацаа энн бол японд очоод ордог марзан алиа нэвтрүүлэг шоу бишээ корона бол монголд өдөр бүр үхэл хагацал өнчрөл уй гашуу өвчин зовлон болж байгаа аймшигт мэдээ ллллллраааа

1  |  0
unshigch(66.181.181.178) 2021 оны 06 сарын 21

Bod bod!

0  |  0
Зочин(59.153.112.92) 2021 оны 06 сарын 22

Сэтгүүлчид мэдээлэл хийж чадахгүй байна. Зөвхөн сенсаци хөөж,үндсэн үүргээ биелүүлэхгүй хүний ярьсныг гуйвуулж,өөрт ашигтай болгодог. Ийм учраас АСА г зөв гэж боддог

1  |  0
Top