Л.Оюун-Эрдэнэ: Дотооддоо газрын тосоо боловсруулан, төмрийн хүдрээ баяжуулж, алтаа цэвэршүүлнэ

2021 оны 05 сарын 16

Монгол Улсын Ерөнхий сайд Л.Оюун-Эрдэнэ Орхон аймагт ажиллалаа. Энэ үеэр Орхон аймгийн удирдлагууд аймаг орон нутгаа хөгжүүлэх, дэд бүтцээ сайжруулах, хүн амын төвлөрлөө сааруулах, цахим “Эрдэнэт” зэрэг хот төлөвлөлтөө сайжруулах, иргэдээ орон сууцжуулах талаар танилцууллаа.

Зууны манлай бүтээн байгуулалт Эрдэнэт хот “Эрдэнэтийн овоо”-ны арын сайхан хөндийд 1973 онд шаваа тавьж, 1994 онд “Орхон” аймаг болсон. Өдгөө Орхон аймгийн хүн ам 90 орчим мянга болж үзүүлэлтээрээ улсынхаа хэмжээнд Улаанбаатар хотын дараа хоёрдугаар байрт ордог. Хүн амын жилийн дундаж өсөлт 2.2 хувь бөгөөд нийт хүн амын 63.9 хувийг залуучууд эзэлдэг. Аймгийн хүн амын 64 хувь нь хөдөлмөрийн насных бөгөөд эдийн засгийн идэвхтэй хүн амын 95.2 хувь нь хөдөлмөр эрхэлж байна.

Энэ үеэр “Эрдэнэт Шинжлэх Ухаан Технологийн Парк” ОНӨААТҮГ-ын танилцуулга хийсэн. Уг Парк нь орон нутгийн нийгэм, эдийн засгийг хөгжүүлэх судалгаа хийх,  инновацийн тогтолцоо, гарааны бизнес хөгжүүлэх, ажлын байр нэмэгдүүлэх чиглэлд голлон анхаарч ажилладаг гэдгийг удирдлагууд нь хэллээ.

Ерөнхий сайд “Монгол Улсын Засгийн газраас нэмүү өртөг шингээх чиглэл рүү анхаарлаа хандуулж байгаа.  Тэр дундаа уул уурхайн салбарыг боловсруулалт руу хөгжүүлэх тал дээр томоохон зорилт тавин ажиллаж байна. “Алсын хараа 2050” урт хугацааны хөгжлийн бодлого дээр тулгуурласан 100 төслийг зарласан. 100 төслийг 10 жилийн хугацаанд хэрэгжүүлэх, эдийн засгийг үрсэнгүй хөгжүүлэх, амьдралын чанарыг дээшлүүлэхээр Засгийн газрын 101 дэх хоног дээрээ зарласан. Энэ хүрээнд Эрдэнэтэд ирсэн зорилго бол 2021 оны 5 дугаар сарын 5-ны өдөр Засгийн газрын тогтоолоор үйлдвэр технологийн паркийг Эрдэнэт үйлдвэрийг түшиглэн байгуулах тусгай зөвшөөрлийг олгосон. Ингэснээр Эрдэнэт үйлдвэрийг түшиглээд зэс баяжуулах үйлдвэрийг байгуулна. Цаашлаад бид төмрийн хүдрээ баяжуулна, алтаа цэвэршүүлнэ, дотооддоо газрын тосоо боловсруулна, аль болох экспортоо нэмэгдүүлж импортыг орлох бүтээгдэхүүн үйлдвэрлэхэд анхаарч ажиллана.

Орхон аймгийн мэдээлэл шуурхай удирдлагын төвийн үйл ажиллагаатай анх удаа танилцлаа. Цахимжуулалт маш сайн хийсэн байна. Үүнд Засгийн газрын зүгээс талархаж байгаагаа илэрхийлье. Вакцинд хамрагдалтын мэдээлэл, явц болоод Орхон аймгийн зарим төрийн байгууллагад очиж танилцахаас илүүтэйгээр нэгдсэн системийн удирдлагаар цахимаар танилцах боломжтой болсон нь олон давуу талыг бий болгож байна. Цаашдаа e-mongolia хөтөлбөр орон нутаг руу салбарлаж орох ёстой. Орон нутгийн удидлагууд хамтарч манлайлан ажиллах хэрэгтэй" гэв.

Мөн энэ үеэр орон нутагт тулгамдаж байгаа хэд хэдэн асуудлыг аймгийн удирдлагууд ерөнхий сайдад хандаж тавьсан юм. Тухайлбал орон сууцны төсөлд хамрагдах зардлын асуудалд анхаарч өгөхийг хүслээ. Засгийн газраас энэ ажилд 50 тэрбум төгрөгийн дэмжлэг үзүүлэхээ засгийн газрын тэргүүн хэлсэн юм. Төр дэд бүтцүүдийг нь дэмжин, компаниуд орон сууцнуудаа барих зарчмаар явах нь зүйтэй гэлээ. Засгийн газраас ирэх жилийн тэргүүлэх бодлого нь орон сууцжуулахад анхаарч байгаа.

 

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Зочин(122.201.31.95) 2021 оны 05 сарын 17

Сайхан мэдээ бна. Гэхдээ хэрэгжүүлж хийж эхлэх нь л хамгийн чухал.

1  |  0
ҮНЭН ҮҮ АСУУЯ(202.70.33.242) 2021 оны 05 сарын 17

ДАРХАН ТӨМӨРЛӨГИЙН ҮЙЛДВЭРИЙГ ЬЮ-ЭС-СИ ГЭХ ХУДАЛДАА ХӨГЖЛИЙН БАНКНЫ ЭРДЭНЭБИЛЭГ ЭЛБЭГДОРЖ,М.ЭНХБОЛД БАДАМЖУНАЙ НАРЫН КОМПАНИАС УЛС ЯАРАЛТАЙ ЭРГҮҮЛЖ АВЧ ТЕХНОЛОГИЙН ШИНЭЧЛЭЛИЙГ ХИЙЖ ДОТОДДОО ТӨМӨР ЗАМЫН РЕЙС ТӨМӨРӨӨ ҮЙЛДВЭРЛЭН ШИНЭЭР ТАВИГДАХ ТӨМӨР ЗАМДАА АШИГЛАЖ ЭХЭЛБЭЛ ЖИНХЭНЭ АЖ ҮЙЛДВЭРИЙН ХУВЬСГАЛ БОЛНО. БИД Ч ОЛОН КМ ГАЗАР ТӨМӨР ЗАМ ТАВИНА МӨН ОЛОО БАЙГАА ТӨМӨР ЗАМ МААНЬ ЭЛЭГДЭЛД ОРООД МУУДАЖ БАЙНА. ТЭР ХУЛЬХИНЫ КОМПАНИ ЭНЭ ҮЙЛДВЭРИЙН МЭДЛИЙН ТӨМӨРТЭЙН ОРДЫГ ХЯТАД РУУ ЗӨӨН УЛСАД ЯМАР Ч ХҮРТЭЭЛГҮЙ АЖИЛЛАЖ БАЙНА ШҮҮ ИРГЭДЭЭ, ТӨРИЙН ТОМЧУУД МЭДЭЖ БАЙГАА ШҮҮ ДЭЭ

0  |  0
zochin(64.119.23.40) 2021 оны 05 сарын 16

эрдэнэт овоотын төмөр замыг яаралтай барих нь зүйтэй

0  |  0
зочин(66.181.161.36) 2021 оны 05 сарын 16

маш зөв шүү яарлтай хийх хэргтэй

1  |  0
Shar tokhoi (178.209.135.155) 2021 оны 05 сарын 16

Mash zuv tom asuudalyydiig shiidekh ni .2 gyren manai ylsiig khetseej iim asyydaliig bie bolgokh bolomjgyi bolgoj baisan.Bas 1 tom asyydalm bna.Khynsenii 2 turliin zoortoi bolgokh kheregtei bykh ail alban baigyylagyydiig .Khyatad ba gadaadiin khynsenees tatgalzakh kheregtei bna.

1  |  0
Top