“Rio Tinto” Гүйцэтгэх захирлаараа Жейкоб Стаусхолмыг томилов

“Rio Tinto” групп Гүйцэтгэх захирлаараа Жейкоб Стаусхолмыг томилжээ. 2018 оноос хойш тус компанийн Санхүү хариуцсан захирлаар ажиллаж байсан Жейкоб Стаусхолм ирэх нэгдүгээр сарын 1-нээс ажлаа хүлээн авах талаар тус компаниас мэдээлэв.

“Оюу Толгой” төслийн гол хөрөнгө оруулагч “Rio Tinto”-гийн одоогийн Гүйцэтгэх захирал Жан-Себастьян Жак ирэх сарын 1-нд ажлаа хүлээлгэн өгч, гуравдугаар сарын 31-нд компаниас гарах аж. Тэрбээр “Rio Tinto” компани Австралийн соёлын өвийг сүйтгэсэнтэй холбоотой асуудлаас болж ажлаа өгөхөөр болсон юм.

“Rio Tinto” компани “Оюу Толгой”-н гүний уурхайн бүтээн байгуулалтын зардлыг 6.75 тэрбум ам.доллар, анхны тогтвортой үйлдвэрлэл эхлэх хугацааг 2022 оны аравдугаар сар гэж тооцоолжээ.