Цагдаа нар 360 кг дахин боловсруулсан бэлгэвчийг хураажээ

Вьетнамын Бин Дүонг мужид Цагдаагийн газраас мөрдөн шалгах ажиллагаа явуулж дахин боловсруулсан 345 мянган бэлгэвчийг хураан авч, устгалд оруулжээ.

Бин Дүонг мужийн нэгэн гэр бүл хогийн цэг болон гудамжнаас хэрэглэсэн бэлгэвч түүж угааж, ариутгаад дахин савлан худалдаалдаг байсан тухай мэдээлэл ирсний дагуу гүйцэтгэх ажиллагаа явуулсан байна.

Бэлгэвчийг дахин боловсруулан савлаж байсан этгээдүүдийг саатуулсан байна. Мөрдөн байцаалтын явцад дахин боловсруулсан нэг бэлгэвчийг ойролцоогоор 0.17 ам.доллароор борлуулдаг байсан гэж мэдүүлжээ.

Одоогоор тэдэнд ямар шийтгэл оноох нь тодорхойгүй байна.

Эх сурвалж: The Guardian