Буриад улс коронавирусний эсрэг вакцины эхний ээлжийг хүлээн авав

Я.Болор | Zindaa.mn
2020 оны 09 сарын 23

ОХУ-ын Бүгд Найрамдах Буриад Улс коронавирусний эсрэг "Гам-КОВИД-Вак" вакцины эхний ээлжийг хүлээн авлаа гэж тус улсын Эрүүл мэндийн яам мэдээлжээ.

Эдгээр вакциныг эхлээд эмч, эмнэлгийн ажилтнуудад хийх гэнэ. Хэдий хэмжээний тун вакцин нийлүүлсэн тухай тодруулаагүй ч Оросын муж, улсуудад вакцин нийлүүлэх логистик сүлжээг үр дүнтэй хэрэгжүүлэх үүднээс эхний ээлжид цөөн тооны вакцин нийлүүлж байгаа гэж тус яам тайлбарласан байна.

Хамгийн сүүлийн үеийн мэдээллээр, Буриад улсад нийт 6 473 хүн коронавирусний халдвар авснаас, 5268 өвчтөн эдгэрч, 68 хүн нас баржээ. Улаан-Үд хотод нийт 3812 тохиолдол бүртгэгдсэн байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top