Хятад Тайванийн хоолойгоос холгүй цэргийн сургуулилт хийж эхэлжээ

Я.Болор | Zindaa.mn
2020 оны 09 сарын 18

Хятад улс Тайванийн хоолойгоос холгүй цэргийн сургуулилт хийж эхэлжээ. Энэхүү арга хэмжээний гол зорилго БНХАУ-ын бүрэн эрх байдал, газар нутгийн бүрэн бүтэн байдлыг хамгаалах явдал юм гэж тус улсын батлан хамгаалах яамны албан ёсны төлөөлөгч Жэн Гоцян мэдэгдсэн байна.

АНУ-ын Төрийн департаментын орлогч дарга Тайваньд айлчилж буй талаар тэрбээр “Хятадын Ардын чөлөөлөх армид Тайванийг тусгаар тогтнуулахад чиглэсэн аливаа гаднын нөлөө, салан тусгаарлах ажиллагааг таслан зогсоох, БНХАУ-ын бүрэн эрх байдал, газар нутгийн бүрэн бүтэн байдлыг хамгаалах хатуу хүсэл эрмэлзэл, бүрэн итгэл, хангалттай нөөц бий” гэж онцолсон байна. Гоцян Тайвань нь БНХАУ-ын нэгэн хэсэг гээд Хятадын эрх баригчид Вашингтонд Тайваньтай албан ёсны харилцаа холбоогоо зогсоохыг уриалсан гэж сануулжээ.

Пүрэв гарагт /2020.09.17/ АНУ-ын төрийн департаментын орлогч дарга Кейт Крач Тайбэйд мөн гурван хоногийн айлчлал хийхээр хүрэлцэн ирсэн билээ. Тэрбээр 1979 оноос хойш энэ аралд айлчилж буй АНУ-ын Төрийн департаментын анхны өндөр албан тушаалтан болж байгаа юм.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
CHULUULULT (139.5.217.237)  2020 оны 11 сарын 19

TAIWANI ZASGIIN GAZRIIN BARIMTAAR BOL HYATADIN HOID HESEG MANJURIN GAZAR NUTAG, BEJINGIIN AR TAL NI OROS MONGOLIN EZEMSHIL BAIH YOSTOI 45

0  |  0
Заагч (202.179.31.251)  2020 оны 09 сарын 20

Хужааг бут цохих хэрэгтэй.

0  |  0
Top