Хуучин оёдлын машин үнэд хүрэх цаг

Автор | Zindaa.mn
2020 оны 08 сарын 13

Манай улсын нэгэн иргэн ОХУ-ын хил дээр 100 жилийн өмнө үйлдвэрлэгдсэн SINGER оёдлын машинаа хураалгасан талаар бид мэдээлсэн билээ. Тус машиныг 1911-1916 онд хийгдсэн тул соёлын үнэт зүйл гэж Буриадын Гаалийн газар үзсэн байна.

Тэгвэл үнэхээр хуучин оёдлын машин их үнэд хүрж байгаа гэнэ.  Айл болгонд шахуу байсан хуучны оёдлын машин. Хар өнгөтэй, гар машин. Энэ оёдлын машинуудын араас хуучны үнэт эдлэл цуглуулагчид ангуучилж байгаа ажээ. Яагаад гэвэл маш их мөнгө хүрч байгаа. “Singer” компани 1851 онд байгуулагдсан эртний компани ч бүтээгдэхүүн нь одоо болтол эрэлттэй хэвээр. Гэхдээ барааны чанар, царай зүсэнд гол учир байгаа юм биш. Монголд ч ийм машин олон бий. Хуучин “Singer”-уудыг зуслангийн байр, агуулах, тагтан дээрээсээ олж болно. Сайн шалгаад үз. Магадгүй эмээгийн тань үлдээсэн хуучин машин хэдэн мянган доллар ч хүрэх юм билүү.

Палладий

Яг үнэн эсэхийг батлахгүй ч, хэн ч үгүйсгээгүй баримт. Зингерийн анхны загварын зарим эд хэсгийг Pd буюу латинаар Palladium хэмээх металиар хийсэн гэж ярьдаг. Харин энэ металл нь алтнаас хэд дахин үнэтэй гэж байгаа. Тэгэхээр хуучин машин хайхаас өөр аргагүй.

Цагаан алт

Октябрийн хувьсгалын дараа большевикууд цагаачлах хүмүүсийг зарим нэг эртний эдлэлээ авч явахыг зөвшөөрчээ. Гэвч удалгүй нэгэн язгууртан эрхэм алтан оёдлын машинтай хил гарах гэж байгаад баригдсанаас хойш энэ зөвшөөрлийг цуцалсан юм. Баячууд байгаа алтаа хайлуулж, оёдлын машины хэлбэрт оруулж, хараар будаад хил давдаг байжээ. Тэр үеэс хойш хаа нэгтэй алтан оёдлын машин байгаа гэсэн домог гарсан юм. Ямар ч гэсэн шалгаад үзэхэд гэмгүй.

Компанийн шагнал

Энэ бол харин домог биш. 2000 оны эхээр “Зингер” компаниас ховор дугаартай оёдлын машинуудаа хайж, шагнал амлаж байгаа. Сая долларын шагнал.

Хуучны ховор зүйл

Хуучны эд зүйлс цуглуулагчдын дунд анхны оёдлын машинууд өндөр үнэ хүрдэг. Дорхи дугаартай бол зах зээлд тун эрэлт хэрэгцээтэй.

AD  541546 - 551545 1933 — 1933 он

AD 720746 - 730745 — 1934 он

AD 781846 - 791845 — 1934 он

AD880156 - 890155 — 1935 он

AD 996956 - 999999  — 1936 он

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Сугар Балдан (66.181.160.32)  2023 оны 02 сарын 05

Ээжийн маань хэрэглэж байсан одоо ч би хэрэглэдэг 1940 өөд оны оёдолын машин бна маш сайн оёдог их бөх бат юм байдаг даа

0  |  0
Top