Цагдан хоригдож байгаа Д.Дамба-Очирыг шүүх хурлыг товлолоо

Б.Эрхэс | Zindaa.mn
2020 оны 08 сарын 06

Нийслэлийн прокурорын газраас Эрүүгийн хуулийн ерөнхий ангийн 3.1 дүгээр зүйлийн 2, 3.4 дүгээр зүйлийн 1 дэх хэсэгт заасныг тус тус журамлан мөн хуулийн тусгай ангийн 22.1 дүгээр зүйлийн 3 дахь хэсэг /Улс төрд нөлөө бүхий этгээд бусдад давуу байдал олгох/-т заасан гэмт хэрэгт Д.Дамба-Очир /Улсын Их Хурлын гишүүн асан/-т холбогдуулан 2020 оны дөрөвдүгээр сарын 08-ны өдөр яллах дүгнэлт үйлдэж ирүүлсэн есөн хавтас бүхий эрүүгийн хэргийг Баянзүрх дүүргийн Эрүүгийн хэргийн анхан шатны шүүх 2020 оны зургаадугаар сарын 15-ны өдөр хүлээн авсан.

Улмаар өнгөрсөн долоодугаар сарын 30-ны өдрийн 09:00 цагт зарлагдсан гэм буруугийн шүүх хуралдаанд шүүгдэгч Д.Дамба-Очир, түүний өмгөөлөгч нар ирээгүй тул шүүх хуралдааныг 2020 оны наймдугаар сарын 12-ны өдрийн 10:00 цаг хүртэл хойшлуулсан байдаг. Шүүх хуралдаанаар Д.Дамба-Очирт хувийн баталгаа гаргах таслан сэргийлэх арга хэмжээг зөрчсөн, эрүүгийн хэрэг хянан шийдвэрлэх ажиллагааны явцад санаатай саад учруулсан үндэслэлээр түүнийг албадан ирүүлж, цагдан хорих таслан сэргийлэх арга хэмжээ авахаар шийдвэрлэсэн билээ.

Тэгвэл түүнд холбогдох хэргийн гэм буруугийн шүүх хуралдааныг товложээ. Тодруулбал, Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд энэ сарын 12-ны өдрийн 10:00 цагт шүүх хуралдааныг товлоод байна. 

Сэтгэгдэл ( 3 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Ум мани бадни хум(192.82.67.96) 2020 оны 08 сарын 07

Лүнгийн замд мөн ч олон хүн үхсэн дээ. Дамба-Очир тамд очих ёстой хүн дээ ....

0  |  0
зочин(202.70.34.114) 2020 оны 08 сарын 06

согтуу толгой\n

0  |  0
Иргэн(202.126.90.105) 2020 оны 08 сарын 07

Эзнээ олсон шийдвэр байна?! асуудлыг нухацтай шийдэх шаардлагатай?!

0  |  1
Top