Нийтийн эзэмшлийн талбайд зөвшөөрөлгүй барьсан барилгыг буулгалаа

Админ | Zindaa.mn
2020 оны 07 сарын 31

Нийслэлийн Засаг даргын 2020 оны А/513 дугаар захирамжийн хүрээнд Баянзүрх дүүргийн 8 дугаар хороо Ботаникын эцсийн тролейбусны буудлын зам дагуу нийтийн эзэмшлийн талбайд зөвшөөрөлгүй баригдсан барилгыг буулгалаа.

Чөлөөлсөн талбайд нийслэлийн 2020 оны Газар зохион байгуулалтын төлөвлөгөөний дагуу ногоон байгууламж, тохижилт болон цахилгаан автобус цэнэглэх байгууламжийн ажил хийгдэх юм байна. Баянзүрх дүүргийн 8 дугаар хорооны авто зам, замын байгууламжийн доогуур Улаанбаатар хотын төв магистраль цэвэр, бохир усны 600 мм-ийн шугам хоолой явдаг хамгаалалтын бүс оршдог. Энэхүү магистраль шугам нь 1985 онд баригдсан, насжилт өндөртэй. Эвдрэл гэмтэл гарвал засвар үйлчилгээ хийх талбайгүй учраас нүүлгэн шилжүүлэхийг Улаанбаатар хотын Ус сувгийн удирдах ОНӨААТҮГ-ийн газраас удаа дараа шаардах бичиг ирсний дагуу газар чөлөөлөлт хийгдлээ.

Эх сурвалж: НИЙСЛЭЛИЙН ГАЗАР ЗОХИОН БАЙГУУЛАЛТЫН АЛБА

Сэтгэгдэл ( 4 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
зөв (66.181.176.117)  2020 оны 08 сарын 01

Зам руу шахаж барилга барих болон орон сууц сунгахыг болиулах хэрэгтэй

0  |  0
Буулга (99.229.251.229)  2020 оны 07 сарын 31

Зөвшөөрөлгүй байж хог цуглуулж бариад ард түмэнд гай болж байгаа шдээ,,, тэнэгүүд!!!

0  |  0
Б (99.229.251.229)  2020 оны 07 сарын 31

Ашгүй дээ, улс юм бол ард түмэндээ үйлчилэх цаг болсон,,,

0  |  0
Монгол (66.181.177.196)  2020 оны 07 сарын 31

Муу муудаа жанжин муна гадсандаа жанжин гэдэг л энэ дээ.

0  |  0
Top