Хоёр настай хүүхдийг цэцэрлэгт АВАХГҮЙ

Э.Мөнхжин | Zindaa.mn
2020 оны 07 сарын 29

Засгийн газрын өнөөдрийн хуралдаанаар бүх шатны сургалтын байгууллагын хичээлийг 09 дүгээр сарын 01-нээс эхлүүлэхээр шийдвэрлэснийг мэдээлсэн.

Тодотгоход, Сум, баг, тосгоны сургууль танхимаар, аймгийн төв, нийслэлийн сургууль гурван өдөр танхимаар, хоёр өдөр теле хичээл, цахим хэлбэрээр орох юм. Хүүхдүүд өдөрт 4-6 цаг хичээллэх бөгөөд нэг хичээл 35-40 минут байхаар тооцсон байна. Хүчин чадлаас хамаарч 3-4 настай нийт хүүхдийн тодорхой хувийг, таван настай хүүхдийг бүхэлд нь цэцэрлэгт хамруулах бол хоёр настай хүүхдийг энэ удаа авахгүй байхаар болжээ. Цэцэрлэгт хамрагдаж чадаагүй хүүхдүүдэд теле хичээл орохоор болсон байна.

Энэ шийдвэрийг 10 дугаар сарын 01 хүртэл мөрдөх бөгөөд КОВИД-19-ийн нөхцөл байдалтай холбогдуулан хэвийн горимд шилжүүлэх эсэхийг тухайн үед нь шийдэх юм. Халдвар хамгааллын дэглэм баримтлах, хүүхэд, багш, ажилчдыг халдвар авахаас сэргийлэх, ариутгал, халдваргүйжүүлэлт хийх, гар угаах болон ариутгах бодис, халуун хэмжигч багажаар хангахаар боллоо. Томуу, томуу төст өвчлөл нэмэгддэг учир 12 дугаар сарын 01-нээс 02 дугаар сарын 15 хүртэл хугацаанд улирлын амралтыг эхлүүлэхээр тооцож бэлтгэлээ хангахыг Монгол Улсын Ерөнхий сайд У.Хүрэлсүх холбогдох сайд нарт чиглэл болгов гэж Засгийн газрын Хэвлэл мэдээлэлтэй харилцах хэлтсээс мэдээллээ.

 

 

 

Сэтгэгдэл ( 5 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
40жил багш хийлээ(150.129.141.61) 2020 оны 08 сарын 01

2 настай хүүхэд хамгийн амархан өвчлөл авдаг шүү зөв шийдвэр.

0  |  0
Дорж (202.21.108.142) 2020 оны 07 сарын 29

Өмхийкоммунистууд төрийн толгой дээр зайдагнаж амьтны нялх үрсийг насаар нь ялгаварлан гадуурхах нь

0  |  0
zocbin(103.229.120.207) 2020 оны 07 сарын 29

Medeej.uls hyvi n yalgaagvi l bj taarna sh de

0  |  0
Zochin(202.126.89.83) 2020 оны 07 сарын 29

Umchiin helber hargalzahgui umm uu. huviin tsetserleg yahiim be

0  |  0
Zochin(202.126.89.83) 2020 оны 07 сарын 29

Umchiin helber hargalzahgui umm uu. huviin tsetserleg yahiim be

0  |  0
Top