“Эрэл”-ийн Б.Эрдэнэбатыг энэ сарын 24-нд ЗАЛИЛАН-гийн хэргээр шүүнэ

Э.Мөнхжин | Zindaa.mn
2020 оны 07 сарын 16

“Эрэл”-ийн Б.Эрдэнэбат нарт холбогдох гэм буруугийн шүүх хуралдааныг  2020 оны  долоодугаар сарын 24-ний өдрийн 13:30 цагт товложээ.

Тодруулал, Хан-Уул дүүргийн прокурорын газраас “Эрэл” ХХК-ийн  ТУЗ-ийн дарга ажилтай Б.Эрдэнэбатад Эрүүгийн хуулийн тусгай ангийн 17.3 дугаар зүйлийн 2 дахь хэсгийн 2.2 дахь  заалтад зааснаар /Залилах/, мөн хуулийн 18.6 дугаар зүйлийн 2 дахь хэсгийн 2.2 дахь / Мөнгө угаах/ заалтад зааснаар / Мөнгө угаах/ гэмт хэрэгт

“Эрэл” ХХК-ны хувьцаа эзэмшигч Д.Сэргэлэнд Эрүүгийн хуулийн тусгай ангийн 17.3 дугаар зүйлийн 2 дахь хэсгийн 2.2 дахь заалтад зааснаар /Залилах/, мөн хуулийн 18.6 дугаар зүйлийн 2 дахь хэсгийн 2.2 дахь  заалтад зааснаар /Мөнгө угаах/  тус тус яллах дүгнэлт үйлдэж ирүүлсэн хэргийг Хан-Уул дүүргийн эрүүгийн хэргийн анхан шатны шүүх 2020 оны 6 дугаар сарын 02-ны өдөр хүлээн авсан  бөгөөд  ЭХХШТХ-ийн 33.1.1-1.1, 1.2,1.3,1.4 дэх заалтуудыг үндэслэн яллагдагчийг шүүхэд шилжүүлэх хугацааг сунгасан байна.

Б.Эрдэнэбат, Д.Сэргэлэн нар нь 2016 оны арваннэгдүгээр сард компанидаа хөрөнгө оруулалт хийх нэрээр 20 тэрбум төгрөгийг “Номин холдинг” ХХК-иас залилан авсан гэх гэмт хэрэгт холбогджээ.

2020 оны долоодугаар сарын 10-ны өдрийн  урьдчилсан хэлэлцүүлгийн шүүх хуралдаанаар яллагдагч нарыг шүүхэд  шилжүүлж, гэм буруугийн  шүүх хуралдааныг  2020 оны долоодугаар сарын 24-ны өдрийн 13.30 цагт товложээ.

Баянгол, Хан-Уул, Сонгинохайрхан дүүргийн эрүүгийн хэргийн анхан шатны шүүхийн тамгын газар

 

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
ЗОЧИН(202.9.40.140) 2020 оны 07 сарын 17

жинхэнэ зууний луйварчин хөрөнгийг нь хурааж шоронд буюу цаазаар ав????

0  |  0
Смьл(66.181.161.70) 2020 оны 07 сарын 16

Угаасаа чанга дэглэмтэд засан хүмүүжүүлэх ёстой хүний нэг

0  |  0
Top