С.Баярцогт, Б.Бямбасайхан, Да.Ганболд нарыг шүүхийн танхимд авчирлаа

Монгол Улсын Ерөнхий сайд асан С.Баяр, Сангийн сайд асан С.Баярцогт нарын долоон хүнд холбогдох хэргийн шүүх хурал өнөөдөр /2020.07.06/ Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд 09:00 цагт эхэлсэн. Тэгвэл С.Баярцогт, Б.Бямбасайхан, Да.Ганболд нарыг 461 дүгээр цагдан хорих ангиас шүүхийн танхимд авчирсан байна. Тэдэнтэй хамт шүүгдэж буй Ерөнхий сайд асан С.Баяр шүүх хуралдаа мөн л иржээ.