Гурав дахь хорт хавдартайгаа тэмцсэн Б.Мөнхтуяа таалал төгсжээ

Eguur.mn сайт Б.Мөнхтуяа бүсгүйн талаар “ЭГЭЛ БУС АМЬДРАЛ: Гурав дахь хорт хавдартайгаа тэмцэж буй ээж” нийтлэл бэлтгэсэн гаргаснаас хойш түүнд туслахыг хүссэн сайхан сэтгэлт түмний хандивын аян тасратгүй өрнөж, бүсгүйн охиныхоо төлөө амьдрах сан гэх сүүлийн хүсэлд нь итгэлийн гэгээ цацруулсаар байсан юм.

Өвчин зовлонг хүссэнээрээ даван туулах боломжгүй. Б.Мөнхтуяа хорт хавдартай гурвантаа нүүр тулж, өнгөрсөн өдөр, мөч бүхэнд тэмцэж байсан ч харамсалтай нь хорвоогийн мөнх бусыг үзүүлжээ.

Түүний дотны найз дөнгөж сая "Үзэсгэлэн гоо сайхан бүсгүй, сайхан найз чи минь хамгийн сайн хань, сайн ээж, найз, зөвлөгч шүү. Чи минь бурханы орондоо тайван нойрсдоо. Найз нь чамайгаа үргэлж дурсаж явах болно" хэмээн гунигт мэдээг олон нийтэд дуулгалаа. 

БНСУ-д эмчилгээ хийлгэж байгаад Тусгай үүргийн нислэгээр ирсэн бөгөөд 21 хоногийн тусгаарлалтад байхдаа амьсгал хураасан, охинтойгоо, гэр бүлийнхэнтэйгээ уулзаж амжаагүй талаар мөн түүний ойр дотныхон бичжээ.