Монголбанк “Орон сууцны ипотекийн санхүүжилтийн журамд”-д өөрчлөлт оруулан, банкуудтай гэрээ байгуулснаар ипотекийн найман хувийн зээлийн хөтөлбөрийг дахин хэрэгжүүлэхээр болсноо мэдэгдсэн.
УИХ-аас Коронавируст халдвар (КОВИД-19)-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хууль, УИХ-ын 2020 оны 32 дугаар тогтоолын дагуу Монголбанк өөрийн эзэмшил дэх ипотекийн зээлээр баталгаажсан бондын үндсэн төлбөрийн эргэн төлөлтийн орлогоор, банкууд Монголбанкнаас олгосон санхүүжилтийн хэмжээнээс багагүй дүнгээр санхүүжилтийг шийдвэрлэж буй юм.
Ингэснээр тавдугаар сараас эхлэн 2020 оныг дуусталх хугацаанд хэрэгжих уг хөтөлбөрийг Монголбанк, арилжааны банкнаас тус бүр 120 тэрбум, нийт 240 тэрбум төгрөгөөр санхүүжүүлнэ.
Монголбанкнаас ипотекийн зээлийг бага, дунд орлоготой зорилтот бүлэгт чиглүүлж, хөтөлбөрийг оновчтой хэрэгжүүлэх зорилгоор дараах арга хэмжээг авсан гэж мэдэгдсэн.
Үүнд:
Монголбанкнаас 2020 оны тавдугаар сараас эхлэн ХААН, Худалдаа хөгжлийн, Голомт, Төрийн, Хас, Улаанбаатар хотын, Богд, Тээвэр хөгжлийн, Кредит, Ариг, Капитрон банкуудад эх үүсвэр хуваарилсан бөгөөд иргэд эдгээр банкуудад хандан ипотекийн найман хувийн зээл авах боломжтой болжээ.
Сэтгэгдэл ( 2 )
songuuli alingaa aldaj bvgdiig amlah yumdaa..
БАРЬЦААЛАХ 7Л ХӨДЛӨХ ХӨРӨНГӨТЭЙ НЬ ХЭД ЮМ БОЛ ДОО.ГАЗАР Ч ҮГҮЙ. БАЙР Ч ҮГҮЙ ХҮН ОЛОН ШҮҮ.ТҮРЭЭСЛЭЭД ӨМЧЛҮҮЛБЭЛ ХАРИН ОЛОН ХҮНД ӨГӨӨЖТЭЙ БОЛНО