МҮЭ-ийн холбоо зочид буудалдаа гаднаас ирсэн иргэдийг хүлээн авлаа

Автор | Zindaa.mn
2020 оны 04 сарын 03

Дэлхий нийтийг хамраад буй Covid 19 вирусын цар тахлын үед Монгол улсын иргэдээ хамгаалах ажлын хүрээнд БНСУ, Япон зэрэг улсаас иргэдээ татаж байгаа билээ.


МҮЭ-ийн холбоо нийгмийн хариуцлагын хүрээнд гадаад улсаас тусгай нислэгээр ирж буй иргэдээ тусгаарлах байрны хэрэгцээ шаардлагад үндэслэн өөрийн эзэмшлийн 100 ор бүхий “Альфа” зочид буудал, “Сонгино ” амралтыг санал болгоод байна. БНСУ-аас тусгай үүргийн онгоцоор ирсэн зарим иргэдийг “Альфа” зочид буудалд байршуулсан талаарх мэдээллийг тодруулахад,


“-Өчигдөр БНСУ-аас Тусгай үүргийн нислэгээр ирсэн 40 том хүн, 2 хүүхдийг 40 өрөөнд тус бүр тусгаарлаад байна. Зочид буудлын зүгээс хоол, цэвэрлэгээ, үйлчилгээнд анхаарч байна. Хоёр эмч, Улсын онцгой комиссын 1, тогооч болон үйлчилгээний 6 ажилтнууд одоогоор ажиллаж байна. СБД-ийн цагдаагийн ажилтнууд харуул хамгаалалтын үүрэг гүйцэтгэж байна” хэмээн тус зочид буудлын захирал Н.Энхманлай мэдээлэл өглөө.

“Сонгино” амралтыг нөөцөд байлгахаа УОК-оос мэдэгджээ.


МҮЭ-ийн холбоо түүний гишүүн байгууллагууд Ажил олгогч нартайгаа хамтран урьдчилан сэргийлэх ажилд дэмжлэг үзүүлэн ажиллаж байгаа юм.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top