САЙХАН МЭДЭЭ: Коронавирусний халдвартай 100 настай хөгшин бүрэн эдгэрчээ

Б.Аззаяа | Zindaa.mn
2020 оны 03 сарын 09

БНХАУ-ын төрийн төв хэвлэл Синьхуа агентлагийн мэдээлснээр коронавирусээр өвчилсөн 100 настай хөгшин бүрэн эдгэрчээ.

Ингэснээр тус вирусээр өвчлөөд эдгэрсэн хамгийн настай хүн болж буй аж.

Дээрх өвчтөн хоёрдугаар сарын 24-ний өдөр коронавирусээр оношлогдон улмаар Хубэй хотын эмнэлэгт хэвтсэн бөгөөд гуравдугаар сарын 07-ны өдөр эдгэрч, эмнэлгээс гарсан байна.

Өвчтөн хэдийгээр алцгеймер болон өөр бусад өвчнөөр хавсарсан байсан ч коронавирусийн халдвар нь бүрэн эдгэрчээ.

БНХАУ-д өнгөрсөн бямба гарагт буюу энэ сарын 07-ны өдөр 80 гаруй өндөр настан бүрэн эдгэрч эмнэлгээс гарсан тухай Синьхуа агентлаг мэдээллээ.

Коронавирусний голомт болсон БНХАУ-ын Хубэй мужид одоогийн байдлаар халдварын тохиолдол мэдэгдэхүйц буурч, эдгэрсэн хүмүүсийн тоо огцом нэмэгдэж байгаа гэсэн таатай мэдээлэл байна.

Эх сурвалж: Xinhua 

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top