Төгсөх ангийнханд ЭЕШ-д зориулсан теле хичээл заана

Ковид-19 халдвараас урьдчилан сэргийлэх зорилгоор Ерөнхий боловсролын сургуулийн сурагчдын хичээлийг сүүлийн нэг сарын хугацаанд телевизээр дамжуулан зааж байгаа билээ.

Тэгвэл ирэх долоо хоногоос XII ангиа төгсөж, Элсэлтийг ерөнхий шалгалт /ЭЕШ/ өгөх сурагчдад зориулсан теле хичээлийг телевизээр заахаар болсон байна. БСШУСЯ-аас өгч буй мэдээллээр ЭЕШ-ын даалгаврыг агуулгын хүрээнд бэлтгэх аж.

Энэ жил 32 мянган сурагч ЭЕШ өгөх тооцоо бий. Улсын хэмжээнд 50 шалгалтын төв дээр ЭЕШ-ыг зохион байгуулахаар бэлтгэл хангаж байгаа юм.

Түүнчлэн ЕБС-ийн I - XII ангийн сурагчдад зориулсан теле хичээл ирэх долоо хоногоос хэвийн үргэлжилнэ.