БНСУ-д халдварын улмаас нас барсан хүний тоо 10 болж нэмэгдлээ

Өнөөдөр БНСУ-д орон нутгийн цагаар 17:00 цагийн байдлаар шинэ төрлийн коронавирус буюу "COVID 19" халдвараар авсан 84 хүн шинээр бүртгэгдэж,  нас барсан хүний тоо нэгээр нэмэгдлээ.

Нас барсан иргэн нь 58 настай эрэгтэй байсан бөгөөд Чандао Их сургуулийн эмнэлэгт хэвтэн эмчлүүлж байжээ. Ингэснээр халдвартай хүний тоо 977, нас барсан 10, эдгэрсэн 22, шинжилгээ өгч байгаа 13,880 хүн болж байгаа юм байна.

Шинээр халдвартай нь батлагдсан хүмүүсийг орон нутгаар нь хуваавал Тэгү 44, Гёнгбук 23, Бусан 5, Сөүл 4, Гёнгги, Гёнгнам, Жүнбүг тус бүр 2, Чүннам, Улсан тус бүр 1 хүнээр нэмэгджээ.

Эх сурвалж: https://www.yna.co.kr/view/AKR20200224096851017