MOBILE TV: Иргэд "Эрдэнэс-Тавантолгой" ХК-ийн НОГДОЛ АШИГ олгохыг дэмжиж байна

Б.Мөнхзаяа | Zindaa.mn
2020 оны 02 сарын 18

“Эрдэнэс Тавантолгой” ХК-ийн Төлөөлөн удирдах зөвлөлөөс хувьцаа эзэмшигчдэд ногдол ашиг өгөх шийдвэр гаргаж, ард түмэнд энэ талаараа танилцуулсан.

Ингэхдээ нэгж хувьцаанд 90 төгрөг олгохоор тооцсоноор 1072 ширхэг хувьцаатай иргэнд 96480 төгрөг оногдож байгаа юм.

Компанийн тухай хуулийн дагуу Төлөөлөн удирдах зөвлөлөөс гаргасан энэхүү шийдвэрийг 2020 оны тавдугаар сарын 1-ний дотор Хувьцаа эзэмшигчдийн  хурлаар хэлэлцүүлнэ. Мөн Санхүүгийн зохицуулах хорооны ногдол ашиг хуваарилах шинэ журмын дагуу 2020 онд Үнэт цаасны төвлөрсөн хадгаламжийн төвөөр дамжуулан хувьцаа эзэмшигчдэд ногдол ашгийг олгох юм.

Иргэд ногдол ашиг хүртэхийн тулд хувьцааны дансаа баталгаажуулсан байх ёстой.

“Эрдэнэс-Тавантолгой” ХК-ийн Төлөөлөн удирдах зөвлөлийн энэхүү шийдвэр нь Монгол Улсад анх удаа төрийн өмчит хувьцаат компани иргэн бүрт ногдол ашиг хуваарилсан үйл явдал болж байна.

Одоогоос 10 орчим жилийн өмнөөс эхлэн 1072 хувьцааг амь оруулах асуудал хөндөгдсөөр ирсэн ч биелэлээ олоогүй ирсэн. Харин иргэд Засгийн газрын чиглэл, шийдвэрийн дагуу 2020 ондоо багтаан эзэмшиж буй хувьцааны тооноосоо хамааран ногдол ашиг хүртэхээр болсондоо баяртай байна.


ДЭЛГЭРЭНГҮЙГ ВИДЕО ХЭСГЭЭС ҮЗНЭ ҮҮ!
 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
90 мянгаар нэг удаа (45.51.113.91) 2020 оны 02 сарын 18

Балайраад. Төмөр замаа, эсвэл нүүрс угаах үйлдвэрээ барьчихгүй

0  |  0
Top