Г.Занданшатар: Золголтын мөнгөө мобайлаар шилжүүлэхэд шимтгэл авахгүй байх чиглэл өгсөн

2020 оны 02 сарын 17

Улсын Их Хурлын дарга Г.Занданшатар өнөөдөр (2020.02.17) нийслэлийн зарим эм ханган нийлүүлэх төв болон эмийн сангууд, “Бөмбөгөр” худалдааны төвөөр орж, амны хаалт, ариутгагч бодисын хүрэлцээ хангамж, махны үнэ ханшийн байдалтай танилцлаа.

Чингэлтэй дүүргийн нутаг дэвсгэрт үйл ажиллагаа явуулж буй дөрвөн эмийн сангаар ороход хоёр эмийн санд нь нэг удаагийн амны хаалт, гар ариутгагчийн нөөц байхгүй, дууссан байлаа. Шүүлтүүртэй даавуун амны хаалт 3500 төгрөгөөр зарагддаг байсан бол өнөөдрийн байдлаар 4000 төгрөгөөр зарагдаж байна. Нийлүүлэлт хангалтгүй байгаа. Харин эм, тарианы борлуулалт хэвийн байгааг эмийн сангийнхан хэлж байсан юм.

Үргэлжлүүлэн УИХ-ын дарга Г.Занданшатар Бөмбөгөр худалдааны төвөөр орж, худалдаа эрхлэгчидтэй уулзлаа. 

Буруу ташаа мэдээллийн улмаас иргэд хүнсээ ихээр худалдан авч, нөөцлөх асуудал гарсан. Үүнтэй холбоотойгоор өргөн хэрэглээний барааны үнэ ханшийг хөөрөгдөх, зохиомлоор өсгөх байдал гарсныг худалдаа эрхлэгчид хэлж байсан юм. 

“Худалдан авалт өмнөх жилтэй харьцуулахад бага байна. Жилийн жилд сар шинийн баярын өмнө барааны үнэ нэмэгддэг. Нийлүүлэлт багассан учраас үхрийн махны үнэ өссөн. Сүүлийн хоёр жилд адууны махны үнэ өсөх хандлагатай байгаа. Цаанаасаа мах үнэтэй ирдэг болсон. Гадуур янз бүрийн цуурхал яриа гарснаас болсон уу, өнгөрсөн амралтын хоёр өдөр худалдан авалт их байсан” гэж Бөмбөгөр худалдааны төвийн худалдагч П.Жаргалбуян хэллээ.

Худалдаа, үйлчилгээний төвүүдээр үйлчлүүлж байгаа иргэд амны хаалттай байдаг болсныг ч тэд хэлж байлаа.

"Өнгөрөгч амралтын өдрүүдэд Үндэсний статистикийн газар болон бусад холбогдох байгууллагууд зах, худалдааны төвүүдээр судалгаа хийж үзсэн. Супермаркетуудын хувьд үнийн өсөлт харьцангуй бага байсан бол бөөний худалдааны төвүүд дээр өсөлттэй харагдлаа. Зохиомол хомсдол үүсгэж, өргөн хэрэглээний барааны үнийг хөөрөгдөх байдлыг зогсоох талаар Хүнс, хөдөө аж ахуй, хөнгөн үйлдвэрийн яам, Шударга өрсөлдөөн хэрэглэгчийн төлөө газарт тодорхой арга хэмжээ авахыг чиглэл болгосон" гэж УИХ-ын дарга Г.Занданшатар хэллээ.  

Тэрбээр,  “Энэ цаг үед иргэд маань тайван амгалан, ухамсартай байх хэрэгтэй. Хүн төрөлхтний өмнө тулгарч байгаа сорилт, бэрхшээлийг “Нэг нь нийтийн төлөө, нийт нь нэгийн төлөө” сэтгэлээр давж гарах ёстой. Мах, маск, гурил зэргийг бөөндөж авах хэрэггүй. Үүнээс болж зохиомол хомсдол, зохиомол эрэлтийг үүсгэж байна. Хүнсний бүтээгдэхүүний гадаад дотоод нийлүүлэлтээ зохицуулж байгаа учраас хомсдол үүсэхгүй, хангамж хүрэлцээтэй байгаа. Харин амны хаалт, ариутгалын бодисын хүрэлцээ, нийлүүлэлтийг нэмэгдүүлэх шаардлагатай байна. Дөрвөн том үйлдвэр болон өрхийн үйлдвэрлэгчтэй гэрээ байгуулж, амны хаалтны нийлүүлэлтийг нэмэгдүүлж байгаа. Үнэ өссөн байна. Үүнийг гэрээгээр зохицуулж, үйлдвэрлэгч, нийлүүлэгчдийн үнийг нэмэгдүүлэхгүй байх тал дээр анхаарч ажиллана. Иргэд, үйлдвэрлэгчид, аж ахуйн нэгжүүд хүчээ нэгтгэж, хямарч бухимдалгүй, ухамсартай байвал ямар ч бэрхшээлийг давж чадна. Хүн бүр эрүүл ахуй, ариун цэврээ чанд сахих хэрэгтэй.

Уламжлалт сар шинийн баяраараа айл хэсэхгүй, цахимаар шинэлэг байдлаар золголт хийж, золголтын мөнгөө мобайлаар шилжүүлэх байдлаар зохицуулах нь зөв. Сар шинийн өдрүүдээр хийгдэж байгаа гүйлгээнээс шимтгэл авахгүй байх талаар Төвбанк болон банкуудын холбооныхонтой уулзаж, чиглэл өгсөн" гэв.

Түүнчлэн Сар шинийн баярыг цуцалж байгаа хэрэг биш, үүссэн нөхцөл байдлаас шалтгаалаад нэг жил өнжиж байна гэж ойлгох хэрэгтэй. Энэ хэцүү өвчинд ахмад настан илүү өртөмтгий байгаа учраас очиж золгоогүй нь үл хүндэтгэсэн хэрэг болохгүй. Харин ч хүндэлж, хайрлаж байгаагийн илрэл гэдгийг ч тэрбээр онцлон тэмдэглэсэн юм гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв. 

Сэтгэгдэл ( 8 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Zochin(203.91.115.45) 2020 оны 02 сарын 19

United mobile Skype ch videocall hiihed chuluutei f.s internetee huazgaargui ashigluulah shaardlagatai b.h

0  |  0
Zochin(202.126.89.234) 2020 оны 02 сарын 17

mungunuuc uur u. Tolgoid n orohgui bolcn manai ylcin turuun terguunuud uur ayutaihan ug olood helchih 10 tyclahdaa gcn munch cain tyclahuud bn da

0  |  0
Zochin(202.126.89.234) 2020 оны 02 сарын 17

Zaaval mungu uguh ectoi bolj taarlaa da ingej tylgaj boloh uu tur mini de

0  |  0
Зочин(202.21.109.80) 2020 оны 02 сарын 17

Энэ АЮулгүй байдлын 3с л ахмадын тэтгэвэр тэглэж гай болсон.Одоо энэ хорионд л мөнгөө зарахгүй.Дотор нь бас бага зээлтэй хохирч 1сая 2 сая авч их авсан нь 6 сая авч завшлаа.Зээлээ дөнгөж төлөөд цагаан сарын зээл авах гэсэн ахмадаа хохироож 1саяын цаас өгнө. УИХ н дарга хөгийн юм.

0  |  0
Аргал царайт(66.181.161.5) 2020 оны 02 сарын 17

Онгондаам гуай нээрээ ичмээр \nОнхолдож өгөх юм аа нээрээ\nОрон даяар бүрмөсөн хорьсон гээд\nОлигтойхон хэлээд тайлбарлаад өгөхгүй балайрах гэж\nҮнэрлүүлж үрс нь буурлууддаа ирэхгүй л юм бол\nҮнэндээ настангуудад мөнгө нэг их чухал биш\nҮлдэх маргааш нь эрүүл энх эсэн мэнд байвал\nҮгүйсгэж ундууцахаар тийм авир өвгөдөд минь байхгүй ээ!\nЗоос мөнгөөр хэмждэггүй юм ухаант өвгөд минь үрсээ\nЗолгох ёс нь мөнгө авахын учир биш бүү тэнэгт\nЗоргоороо дэмий донгосхоо болиод ухаалгаар сэтгээд\nЗон олонд минь эрүүл энхийг ерөөвөл болох биш үү???

0  |  0
123(64.119.18.168) 2020 оны 02 сарын 17

Zugeer l uvchin namdahaar zolgoooroi gevel boloh bhaa.\n\n

0  |  0
Z(64.119.17.109) 2020 оны 02 сарын 17

Mungu uguhgui bol zolgoson bolohguim shig yun sonin yum urialaad bgaan be

1  |  0
zochin(198.50.152.201) 2020 оны 02 сарын 17

Золголтын мөнгөний шимтгэл гэж арчаагүй юм ярьж явахаа болиоч Хэдэн тэрбумаа хурааж авахаа яриач Имих, зовох ч гэж даанч алга аа\n

0  |  0
Top