ОХУ НҮБ-ын хуралдаан зарлахыг хүсжээ

2020 оны 02 сарын 13

ОХУ Минскийн гэрээг биелүүлж байгаа эсэх асуудлаар НҮБ-ын Аюулгүй байдлын зөвлөлийн хуралдаан зарлахыг хүссэн байна. Оросын талын хүсэлтийн дагуу НҮБ хуралдаан зарлавал энэ сарын 18-нд Минскийн гэрээнд дүгнэлт хийх аж.

Өнөөдөр /2020.02.13/ Минскийн гэрээний таван жилийн ой юм. ОХУ НҮБ-ын Аюулгүй байдлын зөвлөлийн хуралдаанд Европын аюулгүй байдал, хамтын ажиллагааны байгууллагын төлөөлөгчдийг оролцуулан нээлттэй хурал хийхийг хүссэн байна.

Дээрх хүсэлтийн талаар ТАСС агентлаг НҮБ-д суугаа Оросын байнгын төлөөлөгчийн орлогч Дмитрий Полянскийгийн өгсөн мэдээллээс иш татан мэдээлжээ.
Өмнө нь Украинтай холбоотой асуудал эрхэлсэн төлөөлөгч Борис Грызлов Киевийн удирдагчид “Нормандын дөрвөл”-ийн байгуулсан гэрээг биелүүлэх гэж яарахгүй байна гэж байжээ.

Мөн 2019 оны арванхоёрдугаар сард ОХУ-ын Ерөнхийлөгч Владимир Путин Минскийн гэрээг хэрэгжүүлэх өөр сонголт байхгүй гэж мэдэгдэж байсан юм.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Уншигч(64.119.27.70) 2020 оны 02 сарын 13

Гарчиг нь шал худлаа.

0  |  0
Top