IPhone утсыг "дааруулахгүй" байх арга

Я.Болор | Zindaa.mn
2019 оны 11 сарын 14

Өвлийн улиралд iPhone утас унтардаг гэх гомдол их гардаг. Тэгвэл iPhone утсыг хүйтнээс хэрхэн хамгаалах вэ гэх асуултад мэргэжилтнүүд хариу өгчээ.

Хүйтний улиралд iPhone утас унтардаг нь хэвийн зүйл гэж Apple компанийнхан үзэж байна. Учир нь iPhone цельсийн 0-35 хэмийн хооронд ажиллах зориулалттай бол хадгалах нөхцөл нь -20-иос +45 хэмийн хооронд хэлбэлздэг. Тиймээс хэт халуун эсвэл хэт хүйтэн орчинд iPhone Apple компанийн цахим хэрэгслүүд доголдох магадлалтай. Өөрөөр хэлбэл дэлгэцийн мэдрэгч доголдох, зай хурдан суух, утас өөрөө унтарч, асах доголдлууд илэрнэ. 
 

iPhone утсыг хүйтнээс хэрхэн хамгаалах вэ?
 

  • Хүйтэн орчинд iPhone утсыг ашиглахаас аль болох татгалзах эсвэл чихэвч ашиглах хэрэгтэй. Утсаа хүрэмнийхээ дотуур халаасанд авч явж, биедээ аль болох ойрхон байлгахыг зөвлөж байна.  
     
  • Утсандаа хэт хүйтэн, хэт халуун температурт тэсвэртэй материалаар хийсэн гэр авч хийгээрэй.
     
  • Hi-call Glove HandSet, iGlover Easy-Call зэрэг бээлий сонго.
     
  • iPhone утасны олон жилийн туршлагатай хэрэглэгчид хасах 20 хэмийн хүйтэнд гарахдаа багтаамж ихтэй тоглоом эвсэл аппликэйшн идэвхжүүлж гарахыг зөвлөж байна. Ингэж процессорын ажиллагааг идэвхжүүлснээр утасны корпус халж, утсыг хөлдөхөөс сэргийлэх боломжтой гэнэ.

 

iPhone утас нь хөлдсөн тохиолдолд хэрхэх вэ?

Таны утас хүйтэн өвлийг тэсэлгүй "даарч", ажиллахаа больсон мэт шинж тэмдэг илэрч байсан ч хаях хэрэгтэй гэсэн үг биш. Дулаан газар орж, 30-40 минут хүлээгээрэй. Гэхдээ утсаа халаагуур /паар/ дээр тавьж хэрхэв ч болохгүй. Харин ноосон зүйлээр ороох хэрэгтэй. Үүний дараа Hard Reset хийхийг мэргэжилтнүүд зөвлөж байна.

Энэ тохиолдолд iPhone заавал ажиллаж эхлэх ёстой.

 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top