Монгол, Япон, Малайз, Энэтхэгийн төрийн тэргүүд Владивостокт очно

Ирэх есдүгээр сарын 4-6-нд ОХУ-ын Владивостокт болох Эдийн засгийн форумд таван орны төрийн тэргүүн оролцоно гэж зохион байгуулагчид мэдээллээ.

ОХУ-ын Ерөнхийлөгч В.Путин болон Монголын Ерөнхийлөгч Х.Баттулга, Японы Ерөнхий сайд Шинзо Абэ, Малайзийн Ерөнхий сайд Махатхир Мохамад, Энэтхэгийн Ерөнхий сайд Нарендра Моди нар форумын үйл ажиллагаанд оролцож, үг хэлнэ.

Форумын үеэр Жигоро Каногийн нэрэмжит жүдо бөхийн олон улсын тэмцээн болно. 18 хүртэлх нас залуу тамирчдын тус тэмцээнийг Владимир Путин, Х.Баттулга, Шинзо Абэ нар үзэж сонирхох юм.