Венесуэлийн Төв банк 15 тонн алт зарна

Я.Болор | Zindaa.mn
2019 оны 02 сарын 01

Венесуэлийн Төв банк ойрын өдрүүдэд Арабын Нэгдсэн Эмират Улсад 15 тонн алт борлуулж, гадаад валютын нөөцөө нэмэгдүүлнэ гэж Ройтерс агентлаг мэдээлжээ.

 

Энэ оны нэгдүгээр сарын 26-ны өдөр тус улс өөрийн нөөцөөс гурван тонн алтаа зарсан бол өнгөрсөн жил Турк, АНЭУ-д нийт 900 сая ам.долларын өртөг бүхий цэвэршүүлж, боловсруулаагүй алт борлуулжээ.

 

ОХУ-ын Ерөнхийлөгчийн хэвлэлийн төлөөлөгч Дмитрий Песков Венесуэлийн Үндэсний ассамблейн гишүүн Хосе Геррагийн ОХУ руу 20 тонн алт гаргах оролдлого хийсэн гэх мэдээллийг үгүйсгэжээ. ОХУ-ын Төв банкны дарга Эльвира Набиуллина Венесуэл улс ОХУ-д алтны нөөцөө хадгалдаг гэсэн мэдээллийг мөн няцаасан байна. Венесуэл Оросын агаарын тээврийн компаниудын онгоцоор алт гаргасан гэх мэдээлэл Оросын нэр хүндийг гутаах зорилгоор гаргасан цуу яриа гэж ОХУ-аас Венесуэлд суугаа элчин сайд Владимир Заемский онцолсон байна.

 

АНУ-ын Ерөнхийлөгчийн үндэсний аюулгүй байдлын зөвлөх Жон Болтон лхагва гарагт /2019.01.30/ Венесуэлээс алт, газрын тос болон бусад бараа бүтээгдэхүүн авах тухай гэрээ хийхгүй байхыг анхааруулсан байна.

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
aaa (202.21.106.162)  2019 оны 02 сарын 01

Venesuel orosoos bolj suirch bn daa.nene yaduu uls oron boloh gej /amerikdaa hamgiin bayan uls bailaa usa-aas tatagalzaad orosiig baraadsan shu dee.odoo har

0  |  0
Top