Драмын театрын цоо шинэ уран бүтээл ”Оддын өвчин”

Улсын драмын эрдмийн театр тун удахгүй цоо шинэ уран бүтээлээрээ театрт дурлагч, үнэнч үзэгчиддээ бэлэг барихаар зэхээд байгаа гэнэ.

Тодруулбал Америкийн зохиолч К.Людвигийн “Оддын өвчин” инээдмийн жүжгийг арваннэгдүгээр сарын 15-наас Д.Нацагдоржийн нэрэмжит Улсын Драмын эрдмийн театрын тайзнаа тоглож эхлэхээр уран бүтээлчид бэлтгэл сургуулилтаа эхлээд буй ажээ.

Уран бүтээлийн багт:

• Ерөнхий найруулагч: СТА Ч.Түвшин

• Орчуулагч: УДЭТ-ын Уран сайхны удирдагч УГЗ Н.Ганхуяг

• Зураач: СТА С.Ариунболд

• Хөгжмийн зохиолч: УГЗ Г.Энхбаяр

Гол дүрүүдэд:

• Макс – Э.Тодгэрэл /СТА/

• Мэгги –Г.Номуун, Б.Сэтгэлтүвшин

• Сондерс - Ц.Жаргалсайхан

• Жулия – Ц.Баясгалан /СТА/

• Тито – Г.Алтангэрэл /СТА/

• Мария – Н.Баярмаа /СТА/

• Тахар – Б.Золжаргал

• Диана – Б.Золзаяа

АНУ-ын "Огайо" муж улсын "Клевланд" хотын тансаг зэрэглэлийн зочид буудалд өрнөх ба Дуурийн компанийн ерөнхий менежер Сондерс алдарт дуучин, гайхамшигт теонер хоолойтон Тито Мереллитэй “Отелло” дуурьт дуулах томоохон гэрээ байгуулах болно. Улмаар сүр дуулиантайгаар тоглолтын зараа хэдийнэ тарааж театрын уран бүтээлчид төдийгүй хот тэр аяараа Титог тэсэн ядан хүлээж буйгаар эхлэх "Оддын өвчин" инээдмийн жүжгийг хүлээн авч үзээрэй.