Хүүхдийн хүмүүжил, хариуцлагыг төлөвшүүлэх зөвлөгөөн Баян-Өлгий аймагт боллоо

Хүүхдийн хүмүүжлийг төлөвшүүлэх, үүрэг, хариуцлагыг нэмэгдүүлэх, тодорхой төрлийн гэмт хэрэгт өртөхөөс урьдчилан сэргийлэх анхан шатны мэдлэг олгох зорилгоор Өлгий сумын ерөнхий боловсролын сургуулийн ахлах ангийн сурагчдын дунд “Бид ирээдүйн манлайлагчид” сэдэвт зөвлөгөөн зохион байгууллаа.

Зөвлөгөөнд Өлгий сумын удирдлагууд болон Шүүх, Прокурор газар, Цагдаагийн газар, Гэр бүл, хүүхэд, залуучуудын хөгжлийн газар, Эрүүл мэндийн газар, Ерөнхий боловсролын бүх сургуулиуд, Дэлхийн зөн олон улсын байгууллагын Баян-Өлгий аймаг дахь салбар болон төрийн бус байгууллагууд оролцож, холбогдох чиглэлээр мэдээ, мэдээлэл өглөө.