Нэг ч дипломгүй Ариунцэцэг Монголын бүх сургуулийг гүйцээх нь

 Ард түмний мисс  Ариунцэцэг тун уйдамхай нэгэн бололтой. Тэр тусмаа сургууль соёлын тал дээр. Аравдугаар ангиа төгсөөд Хүмүүнлэгийн ухааны их сургуульд Япон-Англи хэлний орчуулагчийн хос мэргэжлээр анх суралцжээ.  Гэвч удалгүй сургуулиа хаяж, Анагаахад орж,   бас л таалагдсангүй. Тиймээс Сингапурт хэлний бэлтгэлд явж, тэндээ хүүхдээ төрүүлснийхээ дараа  бас л хэлний бэлтгэлээ орхисон байна. Монголд ирээд Хартфорд институтын бизнесийн удирдлагын ангид сурч эхэлсэн ч  сургуулиа бас л төгссөнгүй.  Дахиад удирдлагын академид элссэн гэнэ.  Хайрмаа охиныхоо эцэг алтны магнат  баян нөхрөөсөө байнгын дэмжлэг авч  хэд хэдэн сургуульд  элссэн ч замын дундаас хаядаг нь бүр зуршил болоод байгаа бололтой.  Ариунцэцэг энэ олон сургуулийн алинаас нь ч   диплом өвөртөлж амжаагүй гэнэ шүү.  Тэртээ тэргүй сурч амжихгүй байж ингэж сэглэж байхыг  бодвол  Монголын гайгүй гэсэн хэдэн сургуулийг гүйцээх зорилго өвөртөлсөн юм болов уу даа.

 Г.Энхтуяа