Улс төрийн мумми нар

Сонгууль дөхөхийн хэрээр улс төрчдийн ааш зан мөнгөн ус шиг мэлтэлзэж, хэлгүй гишүүд хэл орон, сураг нь алдраад байсан хүмүүс гэнэт гарч ирэх болов. Хар тамхи татаж мансуурсан гэдэг хэл аманд орооцолдон сураг алдраад байсан улс төр судлаач Л.Эрдэнэтуул сүүлийн үед экс Ерөнхийлөгч  Н.Энхбаяртай дотносож, МАХН-ын дарга нарын нэг болоод байгаа гэнэ.  АН-ын анхдагчдын нэг тэрээр Иргэний Зориг намд элссэн түүхтэй. Сонгууль дөхсөнөөс ч тэр үү улс төрийн мумми гэсэн  томъёололд  цөөнгүй хүмүүс нэрлэгдэх болов.  Тэдний тоонд улс төр судлаач Л.Эрдэнэтуулаас гадна иргэн Ламжав, Бошигт тэргүүтэй цөөнгүй хүний нэр бичигдээд байгаа гэнэ шүү.

 М.Гэрэлцэцэг