ДОРНЫН ЗУРХАЙ: Шинэ гэр ба байр авахад ӨЛЗИЙТЭЙ сайн
Аргын тооллын 4 сарын 25, Бархасбадь гараг. Билгийн тооллын 17
ХАВРЫН АДАГ ШАР ЛУУ САРЫН ГУРВАН ХӨХ МЭНГЭТЭЙ, ШАРАГЧИН ХОНЬ ӨДӨР
- Үс засуулвал: Өнгө зүс доройтно
- Наран ургах, шингэх: 05.44-19.56
- Барилдлага: Хүчин төгсөх
- Шүтэн барилдлага: Тийн мэдэхүй
- Суудал: Огторгуй
Аргын тооллын 4 сарын 25, Бархасбадь гараг. Билгийн тооллын 17, Хонгорцог одтой, шарагчин хонь өдөр. Тухайн өдөр гахай, туулай жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Эл өдөр буян номын үйлийг эхлэх, дээдсээс халамж хүсэх, лам хувраг болох, багш шавьд барилдах, номын абшиг авах, шинэ гэр ба байр авах, лус тахих, мал худалдан авах, мал түгээх, огторгуйн үүдийг боох, их хүмүүнтэй уулзахад сайн. Цөөрөм байгуулах, сахил санваар авах, хануур, төөнүүр хийлгэх, балгадын суурь тавих, нохой худалдан авахад муу.
Өдрийн сайн цаг нь бар, туулай, могой, бич, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй.
Холбоотой мэдээ
Сэтгэгдэл ( 0 )